lunes, 28 de noviembre de 2011

Convocatoria de la xente del 15-M de Xixón

El prósimu sábadu día 3 llevamos la zona de gratuidá la Cai Corrida, exe comercial de les grandes franquicies en Xixón, en solidaridá colos manteros represaliaos y invisibilizaos pol actual equipu de gobiernu en Xixón.

Esti equipu de gobiernu fizo desapaecer a estos trabayadores de la cai Corrida namás llegar al poder, dándose incluso casos d'auténtiques redaes y caceríes a los nuestros compañeros africanos. Recientemente, l'Alcaldía anunciaba a bombu y platillu, pa regocixu de los comerciantes de la zona (les grandes franquicies multinacionales) que Xixón nun diba tener top manta nestes fiestes navideñes. Pero equivocáronse, porque esti sábadu, y de xuru que más diés, van tener el top manta de gratuidá del 15M Xixón.

Yá sabes, si necesites ropa, xuguetes, llibros, música, dvd's y nun quieres o nun puedes pagalos, la cita ye ésti prósimu sábadu a les 12:30 na cai Corrida.

* Esperemos que'l Nuberu se porte ésti sábadu y nun nos eche agua. Si lloviere la zona de gratuidá faeríase como ye habitual na Plaza'l Pueblu, y el top manta de gratuidá faeríase na cai Corrida otru día."

No hay comentarios:

Publicar un comentario